Wo ist dieser Zeltlblotz?

Um 7me oder so hoad dann da Lager a boa auserwählte zamgfangd und mit 3 Anhänger is des ganze Gerümpel zamgekarrt worn, des woa ma so zu an Zeltlager so braucht:

• 1 Kühlanhänger
• 1 Saugrüll
• 1 Mobiler Abort
• 1 groaßes Zelt
• 1 Uafm
• 1 Lärmmaschinerie
• 40 Kisten Bier

Am Danerschder in allerhergotts früh um halwa 11e han die ersten dann Loaszong. Jene worns a dia dann a as meiste glei afgschdelld hom. Zwecksn Feier hoad si des glei abuan, das a Sechmühl in da neachdn is, und scha woa a Bindl Schwattn a scho newan Feier gleng.

Nu reichlich miad vo da Nacht davor, hommsi die meisten Leit niad afraffm kina um den Saugrüll zu aktivieren und die Sau den Gar auszumachen. Gottsei dank hoad da Schafi dann doch nu lang gnuach oinegred damits loasganga is. So is die Sau denn dann a um halwa 8di dann a zum Fressn freigem worn.

Diejenigen, die dia Sau iwalebt hom sich am Samsta Nammidoch dann so Freizeitaktivitäten wia Fußball oder „Versteck das Seierl“ higem, allerdings a weng wos Naturwissenschaftlichs: Wos bassiert wenn in an 40 Lita Kanister plötzlich a Haffm hoaße Luft entstead.

Dann Abends hom owa die ganzen Internierten dann nummal richtich Gas gem bei lieblichen Klängen von Melodien über Cowboys und Indianer oder vom Tanzen und „Schnacksln“.

Da Peter hoad dann am späten Abend dann a mal as Wort ergriffen, das nan des ganze rechd narisch gfreid und wenna in Zukunft „Auf gute Freunde“ hern duad, wird da si an den Abend zrückerinnern!

Mid da Musikauswahl hom manche anscheinend a rechds Problem ghabt - oder sie worn blos full - af jeden Fall homs dann an Schafi sei Eigentum nu rechd demoliert - wos si rechd negativ af die Lärmmaschinerie ausgewirkt hoad!

An dem Doch, als dann ans Hamoiern ganga is, worn plötzlich glei dhälft wenga Leit doa. Allerdings hoad ma den ganzen Schrott zum Glück nu aus dem Sumpfluach asse bis Ham bracht und hoad si endlich nachdem der gräßte Plunder wieder afgramd woa wieder erholen kina vo dem „Ausflug“.

Zum Glück hom sich die meisten niad odua, und des Weda gnumma wias woa! Woa a schians Fest - nächsts Joa machma wos anders!

Zum Rausche

PS.: Des woa i vogessn ho miads hald nu dazuaschreim, oder wenns zu weng vostenna nu iwasetzn!